ABŞ iqtisadiyyatı 2025-ci ilin dördüncü rübündə gözləntilərdən aşağı olaraq 0,7 faiz böyüyüb. ABŞ Ticarət Nazirliyi 2025-ci ilin oktyabr-dekabr ayları üçün Ümumi Daxili Məhsul (ÜDM) məlumatlarının ikinci qiymətləndirməsini açıqlayıb.
Buna əsasən, ABŞ-ın ÜDM-i ötən ilin son rübündə illik hesablamada 0,7 faiz artıb.

Keçən ay açıqlanan ilkin məlumatlara görə, ABŞ iqtisadiyyatı 2025-ci ilin dördüncü rübündə 1,4 faiz artacaq.

Keçən ilin birinci rübündə 0,6 faizlik daralmadan sonra ölkə iqtisadiyyatı ikinci rübdə 3,8 faiz, üçüncü rübdə isə 4,4 faiz artıb.

ABŞ iqtisadiyyatı 2025-ci il üçün ümumilikdə 2,1 faizlik artım tempi qeydə alıb.

Keçən il əvvəlki ilə nisbətən artımda yavaşlama müşahidə edən iqtisadiyyat 2024-cü ildə 2,8 faizlik artım göstəricisi göstərib.

İstehlak xərclərinin və investisiyaların artması ötən ilin son rübündə real ÜDM-in artımına səbəb olub. Lakin bu artımlar qismən dövlət xərclərinin və ixracın azalması ilə kompensasiya olunub.

Keçən ilin dördüncü rübündə artım məlumatlarının aşağı istiqamətli yenidən işlənməsi ixrac, istehlak xərcləri, dövlət xərcləri və investisiyaların aşağı istiqamətli yeniləmələrindən təsirlənib.

Ötən ilin üçüncü rübü ilə müqayisədə dördüncü rübdə artımın yavaşlaması əsasən dövlət xərclərinin və ixracının azalması, eləcə də istehlak xərclərinin yavaşlaması ilə əlaqədardır. Bu, qismən investisiyaların sürətlənməsi ilə kompensasiya edilmişdir.

Keçən ilin son rübündə şəxsi istehlak xərcləri qiymət indeksində qeydə alınan artım 2,9 faiz təşkil etmişdir.

Şəxsi istehlak xərcləri qiymət indeksi ötən ilin üçüncü rübündə 2,8 faiz artmışdır.

Ərzaq və enerji xərclərini istisna edən əsas şəxsi istehlak xərcləri qiymət indeksində artım eyni dövrdə 2,7 faiz təşkil etmişdir.

Əsas şəxsi istehlak xərcləri qiymət indeksi əvvəlki rübdə 2,9 faiz artmışdır.

aia.az
Tərcümə şöbəsi

• Iqtisadiyyat
• Böyümə
• 2025
• Faiz