ain.az, 525.az saytına istinadən bildirir.
“Kreml ABŞ-ın Rusiyaya qarşı neft sanksiyalarını yumşaltmaq üçün atdığı addımları enerji bazarlarını sabitləşdirmək cəhdi kimi görür. Bu baxımdan maraqlarımız üst-üstə düşür".
525.az xəbər verir ki, bu barədə Rusiya Prezidentinin mətbuat katibi Dmitri Peskov brifinqdə deyib.
O bildirib ki, qlobal enerji bazarlarındakı vəziyyət Rusiya neftinin əhəmiyyətli həcmləri olmadan sabitləşdirilə bilməz: "Əlbəttə ki, bu cür hərəkətlər müəyyən dərəcədə bu bazarın sabitləşməsinə töhfə verəcək. Qlobal enerji bazarlarındakı vəziyyət böhranın daha da şiddətlənməsi ilə müşayiət olunur. Biz həqiqətən hesab edirik ki, vəziyyət qlobal miqyasda enerji sektorunda artan böhranla müşayiət olunur".
Peskov söyləyib ki, Rusiya ABŞ-ın Ukrayna münaqişəsinin həllinə kömək etmək istəyini yüksək qiymətləndirir. Kreml İrandakı müharibənin ABŞ-ı Ukrayna münaqişəsinin həllindən yayındıracağından narahat deyil: "Amerikalı həmkarlarımızla əlaqələrimiz bu cür şübhələr üçün heç bir əsas yaratmır. Rusiya Ukrayna münaqişəsinin həlli ilə bağlı üçtərəfli danışıqların davam edəcəyinə ümid edir, lakin yeni mərhələnin yeri və vaxtı ilə bağlı hələlik konkret məlumat yoxdur. Ümid edirik ki, növbəti mərhələ baş tutacaq”.
Pərvanə Sultanova
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
