“Orta Dəhliz ətrafında ciddi münaqişələr və mübarizələr baş verir”.
Aznews.az xəbər verir ki, bunu Türk Dövlətləri Təşkilatının (TDT) Ağsaqqallar Şurasının sədri Binəli Yıldırım XIII Qlobal Bakı Forumu çərçivəsində Orta Dəhlizlə bağlı keçirilən panel müzakirəsində deyib.
O bildirib ki, bu dəhlizlə daşımaların həcmini 20 milyon tona qədər artırmaq mümkündür:
“Asiyadan Avropaya daşımaların marşrutlarına nəzər saldıqda görürük ki, nəqliyyatın təxminən 90 faizi hələ də dəniz yolu ilə həyata keçirilir. Alternativ marşrutlar isə, əsasən, Şimal və Orta dəhlizlərdir. Avropa ilə Asiya arasında ticarət dövriyyəsi təxminən 3 trilyon dollar təşkil edir. Bu da olduqca böyük rəqəmdir.
