Ötən il “Bakı Metropoliteni” QSC-nin daxilolmalarının həcmi 14,9% artaraq 167,7 mln. manat təşkil edib.
“APA-Economics” xəbər verir ki, bu, Milli Məclisin bu gün keçirilən iclasında müzakirəyə çıxarılan “Azərbaycan Respublikası Nazirlər Kabinetinin 2025-ci ildə fəaliyyəti haqqında hesabatı”nda əksini tapıb.
Sənədə əsasən, bu daxilolmaların 69%-i sərnişindaşıma fəaliyyətindən əldə edilən gəlirlər, 25%-i dövlət tərəfindən ayrılan subsidiya, 6%-i isə digər daxilolmalar hesabına formalaşmışdır. Hesabat ilində “Bakı Metropoliteni” QSC-yə dövlət büdcəsindən 42662,2 min manat subsidiya ayrılıb.
