Rusiyanın Krasnodar diyarının eyniadlı şəhərindəki “Tixoretsk” neft nasos stansiyasının infrastrukturuna Ukrayna Silahlı Qüvvələrinin Alfa Xüsusi Əməliyyatlar Mərkəzindən dronlar zərbə endirib.
Herbiand.az UNIAN-a istinadən xəbər verir ki, “Tixoretsk” neft mərkəzi Rusiyanın cənubundakı ən böyük neft daşıma məntəqələrindən biridir. Burada Rusiya yanacağı və neft məhsullarının logistikasında mühüm rol oynayan böyük bir neft anbarı və terminal yerləşir.
Mənbənin sözlərinə görə, obyektə zərbə endirilib, ardınca böyük yanğın baş verib. Videoda bir neçə alovlanma mənbəyi - ehtimal ki, yanacaq çənləri göstərilir.
Rusiya hakimiyyəti hücumu təsdiqləyib.
