Yaxın günlərdə İslam dünyası Ramazan bayramını qeyd edəcək. Bu, birlik və qardaşlığın böyük bayramıdır. Gürcüstan dövləti də bu sevinci sizinlə bölüşür.
AZƏRTAC xəbər verir ki, bunu Gürcüstanın Baş naziri İrakli Kobaxidze ölkənin müsəlman icması üçün təşkil etdiyi iftar süfrəsində bildirib.
“Bu gün regionda olduqca mürəkkəb proseslər gedir. Bizim gücümüz Gürcüstanda, bu torpaqda yaşayan xalqların birliyidir”, - deyə o vurğulayıb.
