Dərinin sağlam qalması və yaşlanmanın gecikdirilməsi üçün düzgün qulluq və həyat tərzi önəmlidir.
Pravda.az bildirir ki, uzun müddət günəş altında qalmaq, isti hava və iqlimi tənzimlənmiş mühit dərini qura bilər, bunun nəticəsində erkən qırışlar meydana gələ bilər.
Dərinin nəmlənməsi əsas şərtdir. Yetərli miqdarda su içmək, duşu qısa və ilıq su ilə qəbul etmək, duşdan sonra nəmləndirici krem istifadə etmək tövsiyə olunur. Xüsusilə quru dəri üçün rütubət saxlayan məhsullar vacibdir. Kimyəvi maddələrlə, güclü sabunla təmasdan çəkinmək dərinin qorunmasına kömək edir.
Günəşdən qorunma da yaşlanmanı gecikdirən ən vacib amillərdən biridir. SPF tərkibli krem istifadə etmək, günəşin ən güclü olduğu saatlarda açıq havada qalmağı məhdudlaşdırmaq, həmçinin duzlu su və xlorlu hovuzdan sonra dərini təmizləmək dərinin elastikliyini qoruyur.
Xatırlatma: Ümumilikdə, yumşaq, PH balanslı məhsullar seçmək, dərini nəmli saxlamaq və günəşdən qorumaq erkən yaşlanma prosesinin qarşısını almağa kömək edir.
Əminə Bayramova
