Yeni bir araşdırmanın ilkin nəticələrinə görə, həftədə ən az bir dəfə diş ipi istifadə edən şəxslərdə insult və ürək ritmi pozğunluğu riski daha aşağıdır.
Pravda.az bildirir ki, araşdırmada diş ipi istifadəsi daha aşağı qan təzyiqi, sağlam xolesterol səviyyəsi və daha az diabet riski ilə də əlaqələndirilib. İskemik insult riski təxminən 21 faiz, ürəkdən qaynaqlanan insult 44 faiz və atrial fibrilasyon (düzgün olmayan ürək ritmi) riski isə 12 faiz azalmış olub.
Alimlər bu faydaların səbəbini diş ipi ilə ağızdakı infeksiyaların və iltihabın azalmasıyla əlaqələndirir, çünki iltihab təkcə ağız deyil, həm də damar sisteminə təsir edə bilər. Lakin bu nəticələr müşahidə xarakterlidir və diş ipi istifadəsinin beyin və ürək xəstəliklərini mütləq qarşısını aldığı hələ tam sübut olunmayıb.
Əminə Bayramova
