ain.az bildirir, Demokrat.az portalına istinadən.
Əməkdar artist Vəfa Zeynalova qızları ilə bağlı danışıb.Demokrat.az xəbər verir ki, bu barədə aktrisa jurnalist Pərviz Hüseynin “Pərvizə görə” proqramında açıqlama verib.O deyib ki, övladlarına qarşı müəyyən qadağaları var:“Mən qadağalarla böyümüşəm, bu yaşımda belə valideynlərim tərəfimdən qadağalarım var. Mən öz övladlarımı da elə böyütmüşəm, qadağalar içində böyüyüblər. Deyərsiniz ki, necə qadağalar ola bilər ki, hər ikisi də xarici ölkədə oxuyub? Bu, vacib şərtdir. Mənim kontrolum altında olmalıdır, hər şeyin hesabatı məndə olmalıdır ki, hara getdilər, hardan gəldilər, nə aldılar və sairə. Bütün bunları bilməli idim. İndi müəyyən yaşdadırlar, amma mənimlə məsləhətləşirlər. Uşağı başa salmaq lazımdır, “nə istəyirsən et”! demək olmaz. Əgər “yox” deyiriksə, onu izah etmək lazımdır ki, gələcəyin üçündür, tutduğun işin nəticəsi üçün izah etməlisən. Doğma bacım da övladını indiki dəblə böyüdür ki, “yox” demək olmaz. Amma mən bunu qəbullana bilmirəm. Deməli, Olmazsa, olmaz! Sosial şəbəkələrdə bəlli yaşda üzdə olan insanlar var. Yəni 13, 8, yaşında hansısa uşaq, gənc, 50-60 yaşındakı xanımın geyiminə, aksesuarına, çıxışına fikir bildirir. Orada uşağı yox, valideyni günahkar bilirəm ki, o, şərait yaradır. Sənin o yaşın deyil, dərslə məşğul olmalısan, gəncsənsə, universitetə hazırlaşmalısan, indi hansı fikri yürüdə bilərsən? Onların hüququnu əllərindən almıram. Amma hər şeyin öz yeri var. Şəxsən öz övladlarımın instaqram və vatsapına nəzarət edirdim. Vatsap olmuşdu ki, 11-ci sinfi bitirəndə... Onda da çox yalvarış və xahişlə icazə verdim ki, instaqram işlətsinlər. Onu da elə istifadə etdilər ki, sanki istifadə etmirdilər. Çünki elə böyüdülmüşdülər ki, heç ehtiyacları olmadı. Biz onları dərs oxumağa, karyera qurmağa yönəltmişdik. Sosial şəbəkələrə xüsusi maraq yaranmadı”.Demokrat.az
Sonrakı hadisələr barədə daha çox məlumat almaq üçün ain.az saytını izləyin.
