Havay adalarında Kilauea vulkanı püskürməyə başlayıb
Havay adalarında yerləşən Kilauea vulkanı yenidən püskürməyə başlayıb. Bu barədə məlumatı United States Geological Survey (ABŞ Geoloji Xidməti) sosial şəbəkədə yayıb.
Məlumata görə, lava fəvvarələri yerli vaxtla saat 09:17-də vulkanın Halemaʻumaʻu Crater kraterində müşahidə olunmağa başlayıb və püskürmə hazırda da davam edir. Hawaiʻi Volcanoes National Park ərazisində yerləşən müşahidə meydançaları yaxınlığında futbol topu ölçüsünə çatan kül parçaları qeydə alınıb.
Bildirilir ki, həm cənub, həm də şimal kraterlərindən qalxan lava fəvvarələrinin hündürlüyü təxminən 400 metrə çatır.
Qeyd edək ki, bu miqyasda püskürmə sonuncu dəfə fevral ayında qeydə alınmışdı.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
