ABŞ dövlət katibi Marko Rubio ilə telefon danışığında İraqın Baş naziri Məhəmməd Şiə əl-Sudani regional müharibədə hücumlar üçün tramplin kimi istifadə edilməməli olduğunu vurğulayıb. Xarici medianın yaydığı məlumata görə, bu barədə İraq Xəbər Agentliyi (INA) məlumat yayıb. Baş nazir "İraqın hava, quru və dəniz məkanından qonşu və ya regional ölkələrə qarşı hər hansı bir hərbi əməliyyat üçün istifadə etməməyin" vacibliyini vurğulayıb. O, İraqın hərbi əməliyyatlarda iştirak etməmək prinsipinə, ölkə hakimiyyətinin, eləcə də xalq, siyasi və milli qüvvələrin prinsipial mövqeyinə sadiqliyini vurğulayıb. Məhəmməd Şia əl-Sudani "ölkəni davam edən münaqişələrə cəlb etmək cəhdlərini" rədd edib və "hər kəs tərəfindən hava məkanının pozulmasını" pisləyib. Baş nazir İraqın ərazisində yerləşən diplomatik nümayəndəliklərin, səfirliklərin və konsulluqların qorunmasına sadiqliyini bir daha təsdiqləyib ki, bu da "İraq Silahlı Qüvvələrinin bütün bölmələrinin əsas məsuliyyətidir". Tərəflər regiondakı son hadisələri və qarşılıqlı maraq doğuran məsələləri müzakirə ediblər. ABŞ Dövlət Departamentinin telefon danışığından sonra verdiyi açıqlamada bildirilir ki, Rubio həm İranın, həm də İranla əlaqəli milislərin İraqda, o cümlədən İraq Kürdüstanında hücumlarını qətiyyətlə pisləyir. İRADƏ