"Qarabağ"ın futbolçusu Kamilo Duran Kolumbiya millisinə çağırılıb.
Hit.az xəbər verir ki, bu barədə klub məlumat yayıb. 24 yaşlı futbolçu martda keçiriləcək yoldaşlıq görüşləri üçün dəvət olunub.
Qeyd edək ki, indiyədək milli komandaya dəvət olunmayan Duran “Qarabağ”ın heyətində bu mövsümki çıxışından sonra Kolumbiya yığmasına çağırılıb. Onun yer aldığı komanda martın 26-da Xorvatiya, üç gün sonra Fransa ilə qarşılaşacaq. Hər iki görüş ABŞ-ın Orlando şəhərində keçiriləcək.
