...Və bu arada SİA-nın əldə etdiyi məlumata görə, köşə yazarı Ketlin Felton “The Washington Post” qəzetindəki məqaləsində xoşagəlməz insanlarla ünsiyyətin insanın fiziki sağlamlığına mənfi təsir göstərib, onun qocalmasının sürətlənməsinə səbəb olduğunu yazıb.
...Mütəxəssislər illərdir ki, mənfi münasibətlərin insan hüceyrələrinin qocalmasına təsirini öyrənirlər.
Müəllif izah edir ki, tədqiqat ABŞ-ın İndiana ştatında 2000-dən çox insandan məlumat toplayıb. İştirakçılardan son altı ay ərzində insanlarla münasibətləri ilə bağlı sualları cavablandırmaq və ümumi sağlamlıqlarını özləri qiymətləndirmək istənilib.
Daha sonra alimlər tədqiqat iştirakçılarının tüpürcək nümunələrini qocalmanı göstərən DNT dəyişiklikləri üçün sınaqdan keçiriblər.
Nəticələr ətraf mühitlərində "qıcıqlandırıcıların" (problem yaradan və ya həyatı çətinləşdirənlərin) olması barədə məlumatlarla müqayisə edilib.
Məlumatların təhlili göstərib ki, qadınlar və sağlamlığı zəif olan insanlar ətraf mühitlərində xoşagəlməz insanların olduğunu bildirməyə daha çox meyllidirlər.
Tədqiqat həmçinin müəyyən edib ki, hər təqvim ilində həyatında yalnız bir xoşagəlməz insan olan insanlar təxminən 1.015 il qocalır.
Hər əlavə insan qocalma nisbətini 1,5 faiz artırır.
...Nyu-York Universitetinin sosiologiya üzrə dosenti Byunqkyu Li qeyd edib ki, dostluq, əksinə, hüceyrə səviyyəsində qocalmanı yavaşlatmağa kömək edir.
Lakin tədqiqatçı dostluğun ikili ola biləcəyini aydınlaşdırıb: eyni zamanda stressə səbəb ola və müsbət anlar yarada bilər. Alim sağlamlığı qorumaq və ömrünü uzatmaq üçün mümkün olduqda xoşagəlməz insanlardan uzaq durmağı tövsiyə edib.
Nazlı Almuradova
