Dubayın məşhur Marina rayonunda yerləşən göydələnlərdən biri zərbəyə məruz qalıb.
Musavat.com xəbər verir ki, yayılan görüntülərə görə, kamikadze tipli pilotsuz uçuş aparatı Dubay Marinadakı “23 Marina” yaşayış qülləsinə dəyib.
Sosial şəbəkələrdə yayılan videolarda dronun yüksək mərtəbələrdən birinə çırpıldığı və binada zədələnmə baş verdiyi görünür.
Hadisə Dubayın ən sıx və prestijli yaşayış məkanlarından sayılan Marina bölgəsində baş verib.
“23 Marina” Dubayın ən hündür yaşayış göydələnlərindən biri hesab olunur. Təxminən 393 metr hündürlüyə və 80-dən çox mərtəbəyə malik olan bina şəhərin simvol tikililərindən biri sayılır və Marina sahilində yerləşir.
Musavat.com
