ABŞ Prezidenti Donald Tramp İran ilə şərtsiz təslimiyyət xaricində heç bir sazişin imzalanmayacağını bəyan edib.
AFN.az xəbər verir ki, Tramp sosial media hesabı vasitəsilə İranla bağlı mühüm açıqlamalar verib.
Tehran rəhbərliyi ilə yalnız şərtsiz təslimiyyət çərçivəsində razılığa gəlinə biləcəyini qeyd edən Tramp, bu mərhələdən sonra möhtəşəm və qəbul edilə bilən lider və ya liderlərin seçilməsi ilə ABŞ-ın, müttəfiqlərinin və tərəfdaşlarının İranı məhv olmaq astanasından geri qaytarmaq üçün fasiləsiz çalışacaqlarını bildirib.
Tramp İranı iqtisadi cəhətdən hər zamankından daha böyük, yaxşı və güclü vəziyyətə gətirəcəklərinə işarə edərək, "İranın parlaq gələcəyi olacaq. İranı yenidən böyük edək" ifadəsini işlədib. Ağ Ev rəhbəri bu dəyişiklikdən sonra bölgədə yeni bir dövrün başlayacağını vurğulayıb.
