"Sabah"ın yubiley qolu

Bizon ölkə kubokunun 1/4 final mərhələsinin “Qəbələ” ilə cavab oyununda (3:3, p. 4:2) vurulan ilk qol “Sabah” üçün yubiley xarakteri daşıyıb.

"Football-plus.az" xəbər verir ki, Masazır təmsilçisi turnirdə 25-ci səfər qoluna sevinib. Bu topu rəqib qapısından Timoteuş Puxaç keçirib. "Bayquşlar" buna 13-cü matçında nail olub. “Sabah” ölkə kubokuna rəqib meydanlarında 25 və ya daha çox qol vuran 15-ci komandadır.

Qol sayını 27-yə çatdıran “Sabah”ın orta məhsuldarlığı 2,07-yə bərabərdir. Bu, ən azı 3 səfər oyununa çıxan komandalar arasında ən yüksək göstəricidir.

“Sabah” kubokdakı ilk səfər qolunu 2018/19 mövsümündə 1/8 finalın “Ağsu” ilə qarşılaşmasında vurub – 3:0.