Oxumeni.az saytına istinadən ain.az xəbər verir.
ABŞ İran Hərbi Dəniz Qüvvələrinin ən yaxşı hissəsini məhv edib
Amerika Birləşmiş Ştatları İran Hərbi Dəniz Qüvvələrinin "ən yaxşı hissəsini" məhv edib.
Oxuməni.az-ın TASS-a istinadla verdiyi xəbərə görə, bunu ABŞ-ın hərbi naziri Pit Heqset Florida ştatında keçirilən mətbuat konfransında bildirib.
"Cəmi bir neçə gün ərzində "Epik Qəzəb" əməliyyatı zamanı siz (ABŞ Silahlı Qüvvələrinin Mərkəzi Komandanlığının rəhbəri, admiral Bred Kuper - TASS qeydi) və sizin komandanız dağıdıcı, yüksək dəqiqlikli zərbələr endirərək İran Hərbi Dəniz Qüvvələrinin ən yaxşı hissəsini məhv etdiniz", - deyə o bildirib.
Xatırladaq ki, fevralın 28-də İsrail dövlət üçün təhlükələri aradan qaldırmaq məqsədilə İrana (Tehrana) qabaqlayıcı zərbə endirib. Həmçinin məlum olub ki, İrana hücum İsrail və ABŞ-ın birgə əməliyyatıdır. Bir müddət sonra İran İsrailə və ABŞ-ın hərbi bazalarına cavab zərbələri endirməyə başlayıb.
Almaz Həsənli
Sonrakı hadisələr barədə daha çox məlumat almaq üçün ain.az saytını izləyin.
