İranın hücumu zamanı Təl-Əvivdə bir əraziyə düşən raket parçası yanğına səbəb olub.
Redaktor.az xəbər verir ki, İranın hücumlarının başlamasından sonra İsraildə həyəcan siqnalları işə salınıb və hava hücumundan müdafiə sistemlərinin raketləri zərərsizləşdirməyə çalışdığı müşahidə edilib.
İsrailin “Yedioth Ahronoth” qəzeti bildirib ki, Təl-Əvivin mərkəzindəki yaşayış məntəqəsindəki boş bir anbara düşən raket və ya qəlpə parçası yanğına səbəb olub. Məlumatda Təl-Əvivin şərqindəki Elad və Ben Qurion hava limanı yaxınlığındakı Şohamdakı binalara dəyən qəlpə parçalarının ziyana səbəb olduğu qeyd edilir.
Hücumlar əhali arasında itkiyə səbəb olmayıb, iki nəfər qəlpə parçaları səbəbindən yüngül xəsarət alıb.
