ain.az, Azpolitika.az portalına istinadən məlumatı açıqlayır.
İran İsraili və ABŞ-ni mümkün rejim dəyişikliyi cəhdinə görə nüvə xəbərdarlığı ilə hədələyib.
Türkiyə KİV-lərinin yaydığı məlumata görə, İran İsrail və ABŞ-nin ölkədə rejim dəyişikliyinə cəhd edəcəyi təqdirdə İsrailin nüvə proqramının əsas obyektlərindən biri hesab olunan Dimona nüvə reaktorunu birbaşa hədəfə ala biləcəyini bildirib.
Bu açıqlama ABŞ-nin bəzi kürd qruplarını silahlandıraraq İran hakimiyyətinə qarşı istifadə etməyə çalışdığı barədə iddiaların fonunda səsləndirilməsi ilə diqqət çəkib.
Qeyd edək ki, Dimona nüvə reaktoru İsrailin Neqev səhrasında, Dimona şəhərindən təxminən 13 kilometr cənub-şərqdə yerləşir. Rəsmi olaraq Neqev Nüvə Araşdırmaları Mərkəzi adlanan bu obyekt İsrailin nüvə proqramının əsas mərkəzi hesab olunur. Keçmiş İsrail prezidenti Şimon Peresin vəfatından sonra kompleksin adı Şimon Peres Neqev Nüvə Araşdırmaları Mərkəzi kimi dəyişdirilib. Bu obyekt İsrailin nüvə silah proqramının əsas dayaqlarından biri sayılır.
"AzPolitika.info"
Hadisənin gedişatını izləmək üçün ain.az saytında ən son yeniliklərə baxın.
