İran İslam İnqilabı Keşikçiləri Korpusu (SEPAH) neft və qaz üçün əsas marşrut olan Hörmüz boğazına tam nəzarət etdiyini iddia edir.
Herbiand.az xəbər verir ki, Dəniz Qüvvələrinin sözçüsü Məhəmməd Əkbərzadə çərşənbə günü, 4 martda İranın Fars xəbər agentliyi tərəfindən dərc edilən açıqlamada bildirib ki, "Hazırda Hörmüz boğazı İslam Respublikasının donanmasının tam nəzarəti altındadır".
Onun sözlərinə görə, bu marşrutdan keçməyə çalışan hər hansı bir gəmi İran raketləri və ya dronları tərəfindən hücuma məruz qalma riski daşıyır.
Bu arada ABŞ Prezidenti Donald Tramp boğazdan keçən gəmilərin təhlükəsizliyi üçün bölgədə olan hərbi qüvvələrinin səfərbər olduğunu bildirib.
