Futbol ulduzu Kriştiano Ronaldonun İsrail, ABŞ və İran arasında gərginləşən münaqişə fonunda Yaxın Şərqdən qaçdığı iddia edilir.
Editor.az xəbər verir ki, Daily Mail-in məqaləsinə görə, onun təyyarəsi 3 mart gecəsi Səudiyyə Ərəbistanından İspaniyaya yola düşüb. Məqalədə deyilir: “İzləyicinin sözlərinə görə, “Bombardier Global Express” reysi İspaniya paytaxtına çatmaq üçün təxminən yeddi saat vaxt sərf edib. Lüks şəxsi təyyarə saat 20:00-da yola düşüb və saat 01:00-dan bir qədər əvvəl gəlib”. Ronaldo, həyat yoldaşı Georgina Rodriguez və beş uşağı Səudiyyə Ərəbistanının paytaxtında yaşayırdılar.
Nəşrin məlumatına görə, Ronaldonun təyyarəsinin dəyəri 81 milyon dollardır.
//Samir Qurbanov, Editor.az
