"Şaxtyor"un UEFA Konfrans Liqasının 1/8 final mərhələsində nominal olaraq ev oyununu keçirəcəyi məkan müəyyənləşib.
Fanat.Az xəbər verir ki, Ukrayna təmsilçisi rəqibi "Lex"lə hər iki oyunu Polşada keçirəcək.
Bu barədə "mədənçilər"in mətbuat xidməti məlumat yayıb.
İkinci matçda ev sahibi statusunda çıxış edəcək Donetsk təmsilçisi "Lex"lə Krakovda - "Henrik Reyman" stadionunda üz-üzə gələcək. İlk oyun 12 martda, cavab görüşü isə bir həftə sonra baş tutacaq.
Xatırladaq ki, Konfrans Liqasının 1/8 final mərhələsinin püşkatmasından sonra "Şaxtyor"un baş məşqçisi Arda Turan ev oyununu İzmirdəki "Göztəpə" stadionunda keçirmək istəyini bildirmişdi.
