ABŞ və İsrail Tehrana yeni zərbələr endirib.
"Unikal" xəbər verir ki, bu barədə İranın İSNA xəbər agentliyi məlumat yayıb.
Qeyd olunur ki, hücumlar 2 mart səhər tezdən, "səhər azanı ilə eyni vaxtda" baş verib. Partlayışlar şəhərin şərq, qərb və cənub rayonlarında eşidilib.
"Əsas zərbələr İsfahan və Yəzd şəhərlərinə, eləcə də Tehrana dəyib. İsfahan İranın müdafiəsi üçün vacib olan obyektlərə və fabriklərə ev sahibliyi etdiyi bilinir, Yəzd isə ölkənin əsas tarixi və sənaye mərkəzidir və potensial olaraq strateji aktivlərə ev sahibliyi edir", - KİV yazıb.
İrandakı partlayışlar, 28 fevralda İslam Respublikasına qarşı hərbi əməliyyata başlayan ABŞ və İsrail ilə münasibətlərin gərginləşməsi fonunda baş verib. Buna cavab olaraq İran İsrail ərazisinə və Yaxın Şərqdəki Amerika hərbi bazalarına zərbələr endirib.
Gülayə Mecid
