Böhranların İdarə Edilməsi üzrə Avropa Komissarı Hadja Lahbibin sözlərinə görə, Brüssel hərbi münaqişə də daxil olmaqla, İranla bağlı "bütün ssenarilərə" hazırlaşır.
"Unikal" xəbər verir ki, onun sözlərini "Euractiv" portalı sitat gətirib.
Avropa rəsmisi bildirib ki, Aİ-nin humanitar mexanizmləri yalnız ehtiyac əsasında, "hökumətlərə deyil, insanlara kömək etmək üçün" tətbiq olunacaq.
Hadja Lahbib əlavə edib ki, istənilən potensial hücum Əfqanıstandan Pakistana qədər bütün regionda sabitliyi poza bilər.
Yanvar ayında Ağ Ev xəbərdarlıq etmişdi ki, Tehran danışıqlar masasına oturub nüvə silahlarından tamamilə imtina etməyi də əhatə edən "ədalətli razılaşma"ya çatmasa, güc tətbiq etməyə ciddi şəkildə hazırdır. İran hakimiyyəti dəfələrlə nüvə bombası hazırlamaq niyyətində olmadığını bildirib. Pentaqon Yaxın Şərqdə iki aviadaşıyıcı zərbə qrupu da daxil olmaqla əhəmiyyətli qüvvələr toplayıb. 19 fevralda ABŞ administrasiyası İranla razılığa gəlmək üçün maksimum 15 gün vaxtının olduğunu açıqlayıb.
