Azertag portalından verilən məlumata əsasən, ain.az bildirir.
Bakı, 26 fevral, AZƏRTAC
Barselonaya səyahət daha bahalı olacaq. Bu şəhərdə aprel ayından etibarən hər gecə qonaqlama üçün turist vergisi ikiqat artacaq. Yerli hakimiyyət orqanları əlavə gəlirdən mənzil çatışmazlığını aradan qaldırmaq üçün istifadə etmək niyyətindədir.
AZƏRTAC “Nu.nl” nəşrinə istinadla xəbər verir ki, turizmlə bağlı vergilər Kataloniyanın digər bölgələrində də artacaq.
Hazırda Barselonada otel qonaqları hər gecə üçün 5 avrodan 7,50 avroya qədər turist vergisi ödəyirlər. Aprel ayından etibarən bu məbləğ 10-15 avroya qədər artacaq. Tətil kirayələrində qalan turistlər hər gecə üçün maksimum 6,25 avrodan 12,50 avroya qədər vəsait ödəməli olacaqlar.
Yeni vergilərin illik gəliri təxminən 200 milyon avroya çatdıracağı gözlənilir. Hakimiyyət orqanları ümid edir ki, bu, turistlərin sayını azaldacaq və mənzil layihələri üçün daha çox vəsaiti təmin edəcək.
Keçən il Kataloniyaya iyirmi milyon turist səfər edib, onlardan on altı milyonu Barselonada qalıb.
Barselonada, eləcə də İspaniyanın cənubundakı digər şəhərlərdə yerli sakinlər bir müddətdir ki, turist axınına etiraz edərək şəhərlərin yaşayış üçün yararsız hala düşdüyünü qeyd edirlər. Bir çox mənzilin tətil evləri kimi icarəyə verilməsi ilə əlverişli şərtlərlə olan evlərin sayı da azalıb. Eyni zamanda, mənzil qiymətləri kəskin artıb.
Bu tədbir 2028-ci ildən etibarən Barselonada tətil edənlərə mənzil kirayəsini qadağan etmək barədə əvvəlki qərarı tamamlayır.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
