Çempionlar Liqasında pley-off mərhələsinin cavab oyunlarına start verilib.
Sportinfo.az xəbər verir ki, Azərbaycan çempionu “Qarabağ” İngiltərədə “Nyukasl”ın qonağı olub.
Matçda "Nyukasl" 3:2 hesablı qələbə qazanıb.
Bakıda keçirilən ilk görüşdə ingilislər 6:1 hesabı ilə qalib gəlmişdi. Beləliklə, "Nyukasl" 9:3 hesablı üstünlüklə 1/8 finala yüksəlib.
Uğurlu ÇL mövsümü keçirən Qurban Qurbanovun komandası isə turnirlə vidalaşıb.
"Nyukasl" 1/8 finalda "Çelsi" və ya "Barselona" ilə qarşılaşacaq.
