Azpolitika.az saytından verilən məlumata əsasən, ain.az məlumatı açıqlayır.
Ukrayna Prezidenti Volodimir Zelenski Rusiyanın genişmiqyaslı işğalının dördüncü ildönümü münasibətilə xalqa müraciət edib.
“Bu gün düz dörd ildir ki, Putin “Kiyevi üç günə almağa” çalışır. Bu isə əslində müqavimətimiz haqqında çox şeyi deyir. Bu sözlərin arxasında milyonlarla insanımız dayanır. Bu sözlərin arxasında böyük cəsarət, çox ağır əmək, dözüm və 24 fevraldan bəri Ukraynanın keçdiyi uzun yol var”, – deyə Zelenski bildirib.
Prezident müharibənin ilk günlərində dünya liderləri ilə danışıqlar apardığı Bankova küçəsindəki bunker kabinetini də nümayiş etdirib.
“Burada Prezident Baydenlə danışdım və məhz burada eşitdim: “Volodimir, təhlükə var, Ukraynanı təcili tərk etməlisiniz. Biz kömək etməyə hazırıq”. Mən isə cavab verdim ki, mənə silah lazımdır, taksi yox. Bu, hamımızın qorxmaz və ya polad olmağımızdan irəli gəlmirdi. Biz canlı insanlarıq və o gün hamımız – bütün ukraynalılar qorxu və ağrı hiss edirdik. Amma hansısa görünməz səviyyədə hamımız bilirdik ki, başqa Ukraynamız yoxdur. Bu bizim evimizdir və nə etməli olduğumuzu anlayırdıq”, – deyə o əlavə edib.
“Buça, İrpen, Mariupol...”
Prezident çıxışında Rusiyanın törətdiyi hərbi cinayətləri də sadalayıb: “Qarşıda uzun yol var idi. Bu uzun tunel belə Ukraynanın yaşadığı ağrının milyonda birini də ifadə edə bilməz. Rusiya hər ailəyə, hər ürəyə ağrı gətirdi. Buça, İrpen, Borodyanka, kütləvi məzarlıqlar, Qostomel, “Mriya”, Xarkov, Nikolayev, ODA, Kaxovka bəndi, Zaporojye AES, Kremençuk və Krivoy Roq, Ternopol, Lvov, Olenivka, Çasov Yar, Kiyev, “Oxmatdet”, Kramatorsk, Vağzal, oyuncaq, Mariupol, Dram Teatrı, “Uşaqlar” yazısı, Odessa, çoxmərtəbəli binalar, üç aylıq qız uşağı, Volnyansk Doğum evi, iki günlük körpə...”
“Ukrayna yalnız müdafiə olunmadı, cavab verdi”
Zelenski daha sonra Ukrayna Silahlı Qüvvələrinin uğurlu əməliyyatlarını xatırladıb. “Bu, mübarizəmizin növbəti mərhələsi idi – Ukrayna təkcə dözdü və müdafiə olunmadı, həm də cavab verdi. Tarixi bütöv şəhərlər yazdı - qəhrəman şəhərlər. Balakliya, İzyum, Kupyansk, Xerson. Kiyev vilayətindən, Sumıdan, Çerniqovdan işğalçıların necə qovulduğunu hamı gördü. Çernobayevka düşmən üçün başqa aləmə “teleport” oldu. Rusiya ultimatumlarının necə “xoş niyyət jestlərinə” çevrildiyini gördük. Zmeyni adası yenidən bizim oldu”, – deyə o vurğulayıb.
Prezident işğal nəticəsində həlak olan qəhrəmanların xatirəsini də yad edib və minlərlə insanın Ukraynanın yaşaması üçün həyatını qurban verdiyini bildirib.
“Minlərlə qəhrəman Ukrayna yaşasın deyə canını fəda etdi. Bizim müdafiəçilərimiz, bizim qoruyucu mələklərimizdir”, – deyə Zelenski bildirib.
Zelenski çıxışında Rusiya ilə sülh danışıqlarına da toxunub. O qeyd edib ki, hər kəs müharibənin bitməsini istəyir, lakin “heç kim Ukraynanın bitməsinə imkan verməyəcək”.
“Biz güclü, ləyaqətli və uzunmüddətli sülh istəyirik. Hər danışıqlar raundundan əvvəl komandama çox aydın direktivlər verirəm. Dövlət sirrini açmaram, amma əsas mesajım budur: bu illəri sıfırlamaq olmaz, bu mübarizəni, bu cəsarəti, bu ləyaqəti dəyərsizləşdirmək olmaz. Bunu vermək, unutmaq, xəyanət etmək olmaz. Məhz buna görə hər söz, hər bənd, real təhlükəsizlik zəmanətləri uğrunda mübarizə gedir. Saziş təkcə imzalanmamalı, həm də ukraynalılar tərəfindən qəbul edilməlidir”, – deyə Ukrayna Prezidenti vurğulayıb.
“AzPolitika.info”
Sonrakı hadisələr barədə daha çox məlumat almaq üçün ain.az saytını izləyin.
