ain.az, Azertag portalından verilən məlumatlara əsaslanaraq xəbər verir.
London, 23 fevral, AZƏRTAC
Böyük Britaniyanın Xarici İşlər Nazirliyi Meksikadakı vətəndaşlarına evdə qalmağı və zəruri olmayan səfərlərdən çəkinməyi tövsiyə edib.
AZƏRTAC bu barədə “Sky News”a istinadla xəbər verir.
Nazirlik bildirib ki, fevralın 22-də Meksikanın Jalisko ştatında, o cümlədən Qvadalaxara və Puerto Valyartada ciddi insidentlər qeydə alınıb.
Böyük Britaniya vətəndaşlara maksimum ehtiyatlı olmağı, yerli hakimiyyət orqanlarının göstərişlərinə əməl etməyi və təsirə məruz qalan ərazilərdə zəruri olmayan səfərlərdən yayınmağı məsləhət görüb. Həmçinin şəhərlərarası avtomobil səfərlərinin yalnız gündüz saatlarında həyata keçirilməsi tövsiyə olunub.
Qeyd edək ki, Meksikada “El Menço” ləqəbi ilə tanınan “Jalisco New Generation Cartel”in lideri narkobaron Nemezio Osegueranın hərbi əməliyyat zamanı öldürülməsindən sonra ölkədə zorakılıq dalğası başlayıb. Hazırda vəziyyət gərgin olaraq qalır.
Aytən Abbaslı
AZƏRTAC-ın xüsusi müxbiri
London
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
