ain.az bildirir, Bizimyol portalına istinadən.
Pəncərələrin açılması qapalı məkandakı havanı təmizləyir, karbon qazını və rütubəti azaldır və təbii işığın daxil olmasına imkan verir, təravət hissi yaradır. Təbii ventilyasiya içərini sərinlədir, oksigen səviyyəsini artırır və xoşagəlməz qoxuların aradan qaldırılmasına kömək edir. Bundan əlavə, xarici külək evdəki havanı təravətləndirir və həyat keyfiyyətini artırır.
Pəncərəni açmaq qapalı məkanda yığılmış karbon qazını, rütubəti və çirkli havanı təmizləyir, oksigenlə zəngin, təmiz havanın daxil olmasına imkan verir. Eyni zamanda təbii gün işığının daxil olmasına imkan verir, tutqun havanı dağıdır və məkanı daha böyük göstərir. Xüsusilə, axşam və gecə açıq pəncərələr evin təbii şəkildə soyumasına kömək edir, rahatlığı artırır. Mətbəx və vanna otağı kimi yerlərdən rütubəti və istənməyən qoxuları tez bir zamanda aradan qaldırır.
Pəncərəni açmaq psixikamıza da təsir edirmiş. Belə ki, təbii işıq və təmiz hava evdə daha dinc və enerjili bir atmosfer yaradır.
Qışda biz evi isti saxlayacağını və xəstəliklərin qarşısını alacağını düşünərək, pəncərələri möhkəm bağlayırıq. Amma əsl xəstəlik pəncərələrin həmişə bağlı olduğu evlərdə başlayır. Çünki qışda açılmayan pəncərələr evdə köhnə və çirkli havanın toplanmasına səbəb olur.
Maraqlısı odur ki, qapalı hava çöldəki havadan on dəfəyə qədər çirkli ola bilər. Çünki sadəcə nəfəs alıb-vermək havanı çirkləndirir. Pəncərələri açmamaq rütubətə, kifə, baş ağrısına, tənəffüs problemləri, allergiya və astmaya səbəb ola bilər. Mütəxəssislər deyirlər ki, gündə iki dəfə, səhər və axşam beş-on dəqiqə tam havalandırmaq kifayətdir. Pəncərələri əks tərəflərdən, yəni qarşılıqlı şəkildə açsanız, hava daha tez dəyişir.
Bir sözlə, qışda pəncərələri açmamaq sizi xəstəlikdən qorumur, əksinə xəstəlikləri dəvət edir.
İradə Cəlil, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
