“Neftçi” Futbol Klubu əfsanəvi oyunçusu Anatoli Banişevskinin xatirəsini əbədiləşdirib.
İdmanxeber.az xəbər verir ki, bu haqda klubun yaydığı açıqlamada bildirilib.
Qeyd olunub ki, bu gündən etibarən “Neftçi”nin stadionunun ən böyük tribunalarından biri – “Cənub” tribunası Azərbaycan futbolunun əfsanəsi, anadan olmasından 80 il ötən Anatoli Banişevskinin adını daşıyacaq.
“Bununla “Neftçi” PFK əfsanəvi “9 nömrə”nin adının əbədiləşdirilməsi yolunda növbəti addımı atır” – deyə məlumatda bildirilib.
Əlavə edək ki, bu gün Anatoli Banişevskinin anadan olmasından 80 il ötür.
