KXDR lideri Kim Çen In hakim partiyanın baş katibi vəzifəsinə yenidən seçilib.
Musavat.com xəbər verir ki, bu barədə Koreya Mərkəzi Teleqraf Agentliyi məlumat yayıb.
Agentliyin yaydığı açıqlamada bildirilir ki, qurultay iştirakçıları Kim Çen Inın Koreya Əmək Partiyasının ən yüksək postuna yenidən seçilməsi ilə bağlı təklifi tam dəstəkləyərək təsdiqləyiblər.
Toplantı zamanı partiyanın Mərkəzi Komitəsinin yeni üzvləri də müəyyənləşdirilib, həmçinin partiyanın nizamnaməsinə bir sıra dəyişikliklər qəbul olunub. Lakin həmin dəyişikliklərin detalları açıqlanmayıb.
