Bu gün Misli Premyer Liqasında XXI tura yekun vurulub.
Fanat.Az xəbər verir ki, "Kəpəz" səfərdə "Sabah"ın qonağı olub. Meydan sahibləri minimal hesablı qələbəyə seviniblər.
Matçdan sonra keçirilən mətbuat konfransında meydan sahiblərinin baş məşqçisi Valdas Dambrauskas fikirlərini jurnalistlərlə bölüşüb:
"Qalibiyyət münasibətilə komandamı təbrik edirəm. Çox yaxşı oyun alındı. Son dəqiqələrdə fərqlənsək belə, komandamın performansından razı qaldım. Rəqibə daha çox təzyiq edirdik. Çox qol epizodu yaratdıq. Qapımızı toxunulmaz saxladıq. 2-3 qol vuraraq fərqləmə bilərdik. "Kəpəz"in də yaxşı oyun planı var idi. Bu günü unuduruq. Sabahdan məşqlərimizə başlayıb növbəti oyuna fokuslanacağıq".
