"Real Madrid" klubunda hücumçu Kilian Mbappenin son çıxışları ciddi narahatlıq doğurur.
90deqiqe.Az-ın "Sport.es"ə istinadən məlumatına görə, fransız forvard nəticəlilik baxımından problem yaratmasa da, oyun keyfiyyəti komandanın gözləntilərinə cavab vermir.
Xüsusilə "Osasuna" ilə La Liqada keçirilən 1:2 hesablı matçdan sonra narahatlıq daha da artıb. Bu ilin əvvəlində aldığı diz zədəsi hücumçunun formasına təsir göstərə bilər. Vurğulanır ki, Real Madrid azarkeşləri baş məşqçi Alvaro Arbeloadan fransız oyunçuya istirahət verməsini istəyirlər.
Hazırda “Kral klubu” La Liqa turnir cədvəlində liderlik uğrunda mübarizə aparır və Mbappenin yüksək performansı komandanın nəticələrinə birbaşa təsir edir.
