ABŞ Prezidentinin xüsusi elçisi Stiv Uitkoff Ukrayna böhranının nizamlanması kontekstində yaxın vaxtlarda ümidverici xəbərlərin yayılacağını bildirib.
Publika.az xəbər verir ki, o bu barədə "Fox News" telekanalında Lara Trampa verdiyi müsahibədə bildirib.
Diplomat yaxın həftələrdə bu məsələ ilə bağlı müsbət xəbərlərin gələcəyinə ümid etdiyini ifadə edib.
Xatırladaq ki, fevralın 17-18-də Cenevrədə Ukraynadakı vəziyyətin nizamlanması üzrə Rusiya, Ukrayna və ABŞ nümayəndələrinin məsləhətləşmələri keçirilib.
