ain.az, Demokrat.az portalına istinadən məlumatı açıqlayır.
Ramazan ayında uzunmüddətli aclıq fonunda yaranan ağız qoxusu bir çox oruc tutan şəxsləri narahat edən əsas məsələlərdən biridir. Mütəxəssislər bildirirlər ki, sahur süfrəsində bəzi xüsusi qidalara yer verməklə gün boyu bu problemdən qurtulmaq mümkündür.Demokrat.az xəbər verir ki, ağız qoxusunun qarşısını alan ən effektiv qidalar arasında pendir ilk sıralarda gəlir. Tərkibindəki komponentlər sayəsində mədəyə müsbət təsir edən pendir, həm də zülal anbarı olduğu üçün uzunmüddətli toxluq hissi yaradır. Onu bitki çayları, xüsusilə berqamot aromalı çay, adaçayı və ya yaşıl çayla birlikdə istehlak etmək mədəni rahatladır və ağızda xoş ətir saxlayır.Möcüzəvi təsiri ilə seçilən digər qida isə cəfəridir. Bol C vitamini mənbəyi olan cəfəri ağız qoxusunun köklü həlli üçün ən təbii vasitə hesab olunur. Maraqlıdır ki, kivi və çiyələk kimi meyvələr də bu məsələdə əvəzsizdir. Bu meyvələrin tərkibindəki xırda çəyirdəklər dişlərdə bir növ "pilinq" (təmizləmə) effekti yaradaraq, qoxuya səbəb olan bakteriyaları kənarlaşdırır.Hər şeydən öncə isə ağız və diş sağlamlığına diqqət yetirilməlidir. İftardan və sahurdan sonra dişləri fırçalamaq, diş sapından istifadə etmək qoxuya "əlvida" deməyin ən qısa yoludur. Lakin bütün bu üsullar kömək etmirsə, mütləq həkimə müraciət edilməlidir, çünki daimi ağız qoxusu şəkər və ya böyrək xəstəliklərinin əlaməti ola bilər.İsmayıl
Demokrat.az
Ən son xəbərləri və yenilikləri almaq üçün ain.az saytını izləyin.
