Axar.az portalından əldə olunan məlumata əsasən, ain.az xəbər verir.
Böyük Britaniya hökuməti ABŞ-a İrana qarşı mümkün hərbi zərbələr üçün ölkə ərazisində yerləşən hərbi bazalardan istifadə etməyə icazə verməyib.
Axar.az xəbər verir ki, bu barədə BBC məlumat yayıb.
Qeyd olunub ki, ABŞ daha əvvəl Yaxın Şərqdə əməliyyatlar zamanı Qlosterşir qraflığında yerləşən RAF Fairford aviabazasından, eləcə də Hind okeanında yerləşən və Böyük Britaniyanın xarici ərazisi sayılan Dieqo Qarsiya adasındakı birgə hərbi bazadan istifadə edib.
“Tayms” qəzetinin yazdığına görə, ABŞ Prezidenti Donald Trampın Baş nazir Kir Starmerin Çaqos adalarının Mavrikiyə verilməsi və həmin ərazidə yerləşən birgə Böyük Britaniya–ABŞ hərbi bazasının icarəyə götürülməsi ilə bağlı razılaşmanı tənqid etməsi məhz Londonun bazalardan istifadə üçün icazə verməməsi ilə əlaqəli ola bilər.
Böyük Britaniya hökuməti isə məsələ ilə bağlı açıqlamasında bildirib:
“Əməliyyat məsələləri ilə bağlı şərh vermirik”.
Daha ətraflı məlumat və yeniliklər üçün ain.az saytını izləyin.
