Qahirə, 19 fevral, AZƏRTAC
Sudanın Qərbi Kordofan bölgəsindəki əl-Sunut şəhərində məcburi köçkünlər üçün nəzərdə tutulmuş düşərgəyə edilən hücum nəticəsində azı 15 uşaq həlak olub, 10-u yaralanıb.
AZƏRTAC yerli mediaya istinadla xəbər verir ki, bu barədə BMT-nin Uşaq Fondu (UNICEF) məlumat yayıb.
Təşkilatın bəyanatında bildirilib ki, məcburi köçkün düşərgəsini pilotsuz uçuş aparatı hədəf alıb.
Bəyanatda hücum edən tərəfin adı açıqlanmayıb.
Şıxəli Əliyev
AZƏRTAC-ın xüsusi müxbiri
Qahirə
