Qadağan olunmuş maddələrlə bağlı aparılan əməliyyat çərçivəsində gecə saatlarında Ayvalık şəhərində qaldığı mənzilə keçirilən basqın zamanı saxlanılan İsmayıl Hacıoğlunun baş rolda çəkildiyi Cennetin Çocukları serialının çəkilişləri müvəqqəti dayandırılıb.
“Unikal” xəbər verir ki, layihənin taleyi Hacıoğlu ilə bağlı istintaqın nəticələrindən asılı olacaq. Əməliyyat çərçivəsində saxlanılan 24 nəfərin bu gün ifadələri alınacaq. Hazırda Küçükçekmece Narkotik Şöbəsində saxlanılan aktyorun bu gün Çağlayan Ədliyəsində prokuror qarşısına çıxarılacağı bildirilir.
