ain.az, Bizimyol saytından verilən məlumata əsaslanaraq xəbər yayır.
İran Rusiya ilə strateji tərəfdaşlıq müqaviləsini bütün sahələrdə, tam və mümkün qədər tez həyata keçirməkdə qərarlıdır.
Bizimyol.info xəbər verir ki, bu barədə İslam Respublikasının Prezidenti Məsud Pezeshkian Rusiyanın Energetika naziri Sergey Tsivilevlə görüşündə bildirib.
"Biz bu sənədi tez və tam şəkildə həyata keçirməkdə qərarlıyıq. Nəqliyyat, enerji, neft və qaz, kənd təsərrüfatı, qida sənayesi, müdafiə və təhlükəsizlik sahəsində əməkdaşlıq da daxil olmaqla, əvvəllər razılaşdırılmış bütün sahələrdə müqavilələrin həyata keçirilməsi prosesi yaxşı templə davam edir", - deyə Pezeshkianın mətbuat xidməti onun sözlərini sitat gətirib.
17 yanvar 2025-ci ildə Kremldə danışıqlardan sonra Rusiya və İran prezidentləri Vladimir Putin və Məsud Pezeshkian 20 il müddətinə Hərtərəfli Strateji Tərəfdaşlıq Sazişini imzalayıblar və sonrakı beş illik dövrlər üçün avtomatik olaraq yenilənəcəklər. Saziş ikitərəfli əməkdaşlığın bütün sahələrini əhatə edir və müdafiə, terrorizmlə mübarizə, enerji, maliyyə, nəqliyyat, sənaye, kənd təsərrüfatı, mədəniyyət, elm və texnologiya da daxil olmaqla müxtəlif qarşılıqlı fəaliyyət sahələrində yeni üfüqlər açır.
Bizimyol.info
Hadisənin gedişatını izləmək üçün ain.az saytında ən son yeniliklərə baxın.
