Venesuela prezidenti Nicolás Maduro ilə bağlı məhkəmə iclası təxirə salınıb. AzPost.az xəbər verir ki, bu barədə Univision Noticias məlumat yayıb.
Məlumata görə, ilkin olaraq dinləmə martın 17-nə təyin edilmişdi. Lakin müdafiə tərəfinin müraciətindən sonra iclasın keçirilmə vaxtı dəyişdirilib və yeni tarix martın 26-sı müəyyənləşdirilib.
Bildirilib ki, ittiham tərəfi planlaşdırma və təşkilati məsələlərlə bağlı çətinliklərin yarandığını qeyd edib. Bundan sonra tərəflər razılığa gələrək iclasın başqa günə keçirilməsinə qərar veriblər. Növbəti dinləmə ABŞ-ın Nyu-York şəhərində federal məhkəmədə baş tutacaq.
Bundan əvvəl Venesuela hakimiyyət nümayəndəsi Delcy Rodríguez verdiyi açıqlamada Maduronun qanuni dövlət başçısı olduğunu bildirib və onun günahsız olduğunu vurğulayıb.
