Vaşinqton və Tehran arasında danışıqlar davam edərkən, ABŞ ordusu bölgəyə yerləşdirmələrini davam etdirir.
Turkustan.az xəbər verir ki, ABŞ mediası əraziyə 250-dən çox hərbi yük uçuşu həyata keçirildiyini və hava hücumundan müdafiə sistemlərinin də yerləşdirildiyini bildirir.
ABŞ və İran arasında danışıqların bu gün İsveçrənin Cenevrə şəhərində keçirilməsi gözlənilsə də, ABŞ ordusu bölgəyə qoşun göndərməyə davam edir.
CNN-in məsələyə yaxın mənbələrə istinadən verdiyi məlumata görə, Birləşmiş Krallıqda yerləşən ABŞ hava qüvvələri Yaxın Şərqə yaxın ərazilərə yerləşdirilib.
CNN-in açıq mənbələrə istinadən verdiyi məlumata görə, bölgəyə 250-dən çox hərbi yük uçuşu həyata keçirilib.
ABŞ ordusunun bölgəyə Yüksək Hündürlük Ərazi Müdafiə Sistemi (THAAD) kimi elementlər yerləşdirməklə İranın mümkün cavabına qarşı tədbirlər gördüyü bildirilir.
Həmçinin, bölgəyə F-35 qırıcı təyyarələri də daxil olmaqla hava hücumu elementlərinin yerləşdirildiyi də məlumdur.
Aytən Yaşar/ Turkustan.az
