ABŞ-nin yeni silah strategiyası

AzVision.az xəbər verir ki, ABŞ-ın dövlət katibi Marko Rubio və Pentaqonun rəhbəri Pit Heqsetin Amerikanın “USA Today” qəzeti üçün yazdıqları məqalədə belə deyilir.

Hazırda dünya silah satışının 43%-i ABŞ-ın payına düşür. Cari portfel 190 ölkə və region üçün dəyəri 900 milyard dolları üstələyən 16 mindən çox sifarişdən ibarətdir.

Eyni zamanda, məqalədə bildirilir ki, belə vəziyyət ABŞ-ın milli təhlükəsizlik maraqlarına zərbə vurur. Məhz buna görə də əvvəlki strategiya səmərəsizliyini nümayiş etdirdiyindən, ABŞ administrasiyası hərbi təchizat sistemində islahatlar aparmalı olub.

“Davamlı rekord tələbat, həddindən artıq yüklənmə və uzadılmış çatdırılma müddətləri ABŞ-ın milli təhlükəsizliyini və müdafiə sahəsində ticarətini sarsıdacaq. Çox vaxt aparan tədarük prosesləri Amerikanı gücləndirmək əvəzinə, müttəfiqlərimizi daha sürətli çatdırılma vəd edən digər təchizatçılara üz tutmağa təşviq edir. Hətta onların daha aşağı keyfiyyətli silahlar təklif etməsinə baxmayaraq, bir sıra ölkələr buna gedə bilərlər”, – materialda vurğulanır.

Məqalə müəllifləri qeyd edirlər ki, Vaşinqton sifariş verən müttəfiqləri ilə“fövqəladə hallarda ABŞ silahlı qüvvələri üçün faydalı olacaq” əlavə istehsal gücünün yaradılması xərclərini bölüşə bilər.

İstehsal həcminin artırılması, öz növbəsində, sifariş növbələrini və çatdırılma müddətlərini azaldacaq, həmçinin ABŞ-ın hərbi sənayesinə bir neçə yüz milyard dollar həcmində sərmayə yatırılmasını təmin edəcək.

Sahil İsgəndərov
AzVision.az