Azpost saytından alınan məlumatlara görə, ain.az xəbər verir.
Koloproktoloq Ceyms Kinross bildirib ki, nəcisə dair dəyişikliklər bağırsaq xərçənginin erkən əlamətlərindən biri ola bilər. Onun sözlərinə görə, nəcisın tezliyi, konsistensiyası, rəngi və forması diqqətlə izlənməlidir. AzPost xəbər verir ki, bu barədə Daily Mirror nəşri yazıb.
Mütəxəssis qeyd edib ki, stress və ya qidalanma rasionundakı dəyişikliklər də oxşar əlamətlər yarada bilər. Lakin bu dəyişikliklər uzun müddət davam edərsə, mütləq tibbi müayinədən keçmək lazımdır.
Kinrossun vurğuladığı ikinci mühüm xəbərdarlıq əlaməti nəcisdə qanın görünməsidir. Bu hal müşahidə olunarsa, dərhal həkimə müraciət etmək tövsiyə olunur.
Bundan əlavə, davamlı qarın ağrısı, səbəbi izah olunmayan çəki itkisi, bədəndə şişkinlik və ya törəmələrin yaranması, eləcə də xroniki yorğunluq da diqqətdən kənarda qalmamalıdır. Həkim bu simptomların vaxtında qiymətləndirilməsinin xəstəliyin erkən mərhələdə aşkarlanmasına kömək edə biləcəyini bildirib.
AzPost.az
Paylaş
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
