ain.az, Demokrat.az saytına istinadən bildirir.
2026-cı ilin fevralında yeni ay zamanı xüsusi astroloji hadisə - bu ilin ilk Günəş tutulması Dolça bürcündə baş verəcək.Demokrat.az xəbər verir ki, astroloqlar bu hadisənin təsirini fərqli qiymətləndirə bilsələr də, hamısı bir məqamda həmfikirdir: tutulma və yeni ayın enerjisi yenilənmə, köhnə məhdudiyyətlərdən azad olma və yeni imkanların açılması deməkdir.Yeni ayın və Günəş tutulmasının nə vaxt baş verəcəyini, hadisənin bürclərə necə təsir edəcəyini, hansı məqamların əlverişli olduğunu və bu enerjidən maksimum faydalanmaq üçün nələrdən çəkinməli olduğunuzu təqdim edirik.Günəş tutulması Ayın müəyyən müddət ərzində Yer müşahidəçisi üçün Günəşi tam və ya qismən örtməsi ilə baş verən astronomik hadisədir. Tutulmalar yalnız yeni ay fazasında baş verir, lakin hər yeni ay tutulma ilə müşayiət olunmur. Adətən ildə 2-dən 5-ə qədər Günəş tutulması qeydə alınır – bu, Ayın orbit üzrə hərəkətindən asılıdır. Günəş tutulmaları tam, qismən, halqavari və hibrid növlərə bölünür."Yer üzündə tez-tez bu cür möhtəşəm Günəş tutulmalarını müşahidə etməyimiz təbiətin yaratdığı xoş təsadüfdür. Günəş diametrinə görə Aydan təxminən 400 dəfə böyükdür, lakin Ay Yerə təxminən 400 dəfə daha yaxındır. Bu isə uyğun şərait yarandıqda Ayın Günəşi demək olar ki, ideal şəkildə örtməsinə imkan verir", deyə "NASA" nəşri yazır.Qeyd olunur ki, Ay hər il Yer kürəsindən təxminən 3,8 sm uzaqlaşır və 23 500 km həddini keçdikdən sonra Günəşi tam örtəcək qədər böyük görünməyəcək. Lakin narahatlığa əsas yoxdur – bu həddin aşılmasına hələ 600 milyondan çox il qalır.2026-cı ilin fevralında halqavari Günəş tutulması baş verəcək – Günəş, Ay və Yer bir xətt üzrə düzüləcək, lakin Ay Yerə kifayət qədər yaxın olmayacaq ki, Günəş diskini tam örtsün. Bu zaman səma alaqaranlıq çalara bürünəcək, lakin Günəşin bir hissəsi görünəcək və buna görə də hadisə "od halqası" adlandırılır. Tutulmanı bütün gözəlliyi ilə Antarktida üzərindəki pinqvinlər müşahidə edə biləcək, Cənubi Amerikanın və Afrikanın cənub hissələrində isə yalnız qismən tutulma görünəcək.Astroloq Olqa Xodaryeva “UNİAN”a şərhində bildirib ki, bu hadisə fevralın 17-də saat 14:01-də (Bakı vaxtı ilə) baş verəcək. Onun sözlərinə görə, bu tarixdə sadəcə yeni ay deyil, Dolça bürcündə Günəş tutulması yaşanacaq və bu, adi yeni aydan qat-qat güclü astroloji hadisədir.Onun sözlərinə görə, bu hadisənin enerjisi azadlıq, yenilənmə, modernləşmə və köhnə məhdudiyyətlərdən xilas olma ilə bağlıdır. Əhval-ruhiyyə köhnə sistemlərin dağıdılmasına yönələ bilər. Həmçinin həyatın texnologiyaların, məsələn, süni intellektin tətbiqi baxımından yenidən qurulması mümkündür.Astroloqun sözlərinə görə, bu hadisənin enerjisi ünsiyyət, komanda quruculuğu və həmfikir insanlarla birləşmək istiqamətindədir. Bu dövrdə yeni icmalara qoşulmaq, təhsilə başlamaq, faydalı tanışlıqlar qurmaq və ideya və məqsədləri bölüşən insanlarla layihələrdə iştirak etmək xüsusilə vacibdir.Bu zaman həm də komanda işi və texnoloji eksperimentlər üçün əlverişlidir. Qeyri-standart təşəbbüslər, gələcəklə bağlı yeni biliklərin əldə olunması – proqramların, süni intellektin, yeni qadcetlərin mənimsənilməsi üçün yaxşı dövrdür.Ekspert bildirir ki, bu tarixə yaxın günlərdə gələcəyə güclü təsir göstərə biləcək hadisələr baş verə bilər.Bu tutulma üçün əlverişli olmayan məqamlar:– keçmişə və köhnə sxemlərə yapışmaq – hadisə bunları “dağıda” bilər;
– mitinq və üsyan xarakterli fəaliyyətlər, sistemə qarşı qruplar yaratmaq;
– diqqəti yalnız şəxsi maraq və istəklərə yönəltmək – bu dövrdə kollektiv enerji üstünlük təşkil edəcək və hadisə fərdlərdən çox kütlələrlə bağlı olacaq.“Ümumilikdə tutulma günü – məhz 17 fevralda – tempi azaltmaq, özünüzü fiziki və iş öhdəlikləri ilə yükləməmək və günü sakit şəkildə yaşamaq daha yaxşıdır”, deyə Olqa Xodaryeva tövsiyə edib.Astroloqun sözlərinə görə, tutulma hər bürc üçün öz dərs və imkanlarını gətirəcək:Tərəzi – hadisə bu bürc üçün müsbət təsir göstərəcək, sevgi və şəxsi həyatda yenilənmələr mümkündür;
Əkizlər – yeni imkanlar, xüsusilə təhsil və səyahət vasitəsilə açılacaq;
Oxatan – maraqlı ideyalar yaranacaq və onların həyata keçirilməsinə başlanacaq;
Qoç – dost çevrəsində və gələcək planlarda dəyişiklik mümkündür;
Dolça – bu tutulmanı daha gərgin yaşayacaq, həyat tərzində “yenidən başlama nöqtəsi” ola bilər;
Şir – münasibətlərdə keyfiyyət dəyişiklikləri mümkündür;
Buğa – iş və karyera sahəsində tamamlanmalar və ya dəyişikliklər baş verə bilər;
Əqrəb – ev və ailə ilə bağlı hadisələr gündəmə gələ bilər.Şir, Buğa və Əqrəb bürcləri üçün bu tutulma daha gərgin xarakter daşıyacaq.Jalə
Demokrat.a
Hadisənin gedişatını izləmək üçün ain.az saytında ən son yeniliklərə baxın.
