İsrail hökuməti Qərbi Şəriyədə torpaq qeydiyyatı prosesinin başlanmasını təsdiqləyib.
Newscenter.az xəbər verir ki, bu barədə dövlət televiziyası Kan məlumat verib.
Bildirilir ki, bu, 1967-ci ildən bəri ilk belə qərardır. Həmin vaxt Altı Günlük Müharibə əvvəllər İordaniyanın nəzarəti altında olan Qərb Sahili ərazisinin İsrailin nəzarətinə verilməsi ilə nəticələnmişdi.
Telekanal bildirir ki, bu, İsrailin rəsmi olaraq Yəhudeya və Samariya adlandırdığı regionun ilhaqına doğru daha bir addımdır. Beynəlxalq hüquqa görə, bu ərazi işğal olunmuş hesab olunur.
Telekanal qeyd edir ki, bu qərar Qərb Şəriyəsində torpaq mülkiyyəti mübahisələrinin həllinə yönəlib. Qərar İsrail Ədliyyə Nazirliyinin Torpaq Qeydiyyatı İdarəsinə torpaq sahələrinin dövlət reyestrində qeydiyyatı prosesini təşkil etmək üçün əlavə maliyyələşdirmə, səlahiyyət və işçi heyəti təmin edəcək.
Anar
