“İnter Mayami” klubunun hücumçusu Lionel Messi 2026-cı il futbol üzrə dünya çempionatında iştirak etməyə bilər. Qərar onun fiziki durumundan asılı olacaq.
Bizim.Media xəbər verir ki, Argentina millisinin forvardı yeni mövsümə Major League Soccer çərçivəsində hazırlaşır və bu yay turnirlərdən birində meydana çıxa bilər. Lakin onun iştirakı ilə bağlı hələlik qəti təminat yoxdur.
Bu barədə The Touchline məlumat yayıb. Mənbənin bildirdiyinə görə, Messi dünya çempionatını buraxmaq ehtimalını nəzərdən keçirir. Əgər o, fiziki formasının optimal səviyyədən uzaq olduğunu hiss etsə, turnirdə iştirakdan imtina edəcək.
Futbolçu həmçinin qeyd edib ki, MLS-in səviyyəsi kifayət qədər yüksək və rəqabətədavamlı deyil. Buna görə də o, dünya çempionatına ideal formada hazırlaşmağa çalışır.
Bizim.Media
