ain.az, Azpolitika.az saytından verilən məlumata əsaslanaraq xəbər yayır.
Son günlərdə Tacikistan Prezidenti İmaməli Rəhmanın xəstələndiyi, onun yaxın çevrəsindən yüksək vəzifəli şəxslərin ölkədən qaçdığı ilə bağlı şayiələr sosial mediada geniş yayılıb.
“AzPolitika” bildirir ki, bu iddialar hazırda təsdiqlənməmiş qalır və rəsmi mənbələr tərəfindən təsdiqlənmir.
Tacikistan lideri təxminən iki həftədir rəsmi tədbirlərdə və mediada görünmür və bu səbəbdən müxtəlif fərziyyələr ortaya çıxıb. Son rəsmi video onun yanvarın 28-də təhlükəsizlik orqanları rəhbərləri ilə görüşü zamanı çəkilib. Bu görünməmə Tacikistanda qeyri-adi qarşılanır, çünki ölkə daxilində prezidentin fəaliyyəti adətən gündəlik şəkildə geniş təbliğ olunur. Bu vəziyyət dolayı yolla xəstəlik və ya səhhətlə bağlı narahatlıqlar yaradır. Ehtimal edilir ki, o xəstədir və hazırda İsveçrədə müalicə alır.
Tacikistan Prezident Administrasiyası isə öncəki günlərdə açıqlayıb ki, Rahmonun yaxın günlərdə bir neçə rəsmi görüşü və tədbiri var. Bunlara Asiya İnfrastruktur İnvestisiya Bankının rəhbəri ilə görüş, Qazaxıstan Xarici işlər nazirinin Tacikistana səfəri zamanı görüşlər daxildir.
Rəsmi mətbuat da bildirib ki, İmaməli Rəhmanın iş qrafiki adətən əvvəlcədən açıq şəkildə yayımlanmır, buna görə də onun görünməməsi qeyri-adi hal sayılmaya bilər.
İmaməli Rəhman eyni zamanda ölkədə siyasi keçidi təmin etməyə və oğlu Düşənbə meri Rustom İmamalini prezident kimi qəbul etdirməyə çalışır. Media iddia edir ki, o bir neçə ay öncə Moskvada bu məsələni Rusiya Prezidenti Vladimir Putinlə müzakirə edib və ondan dəstək istəyib. Amma Putin dəstək verməyə tələsməyib. Eyni zamanda ölkədə dini aşirətlərin təsiri böyükdür və yeni rəhbər üçün onların da dəstəyi vacibdir.
Yayılan xəbərlərdə Tacikistan Dövlət Təhlükəsizlik Xidmətinin sədri Sayminun Yatimovun ölkədən qaçdığı da iddia olunur. Paytaxt Düşənbədə mərkəzi dövlət iqamətgahına gedilən yollar polis tərəfindən bağlanıb. Səbəbi bilinmir.
Rasim Əliyev
“AzPolitika.info”
Daha ətraflı məlumat və yeniliklər üçün ain.az saytını izləyin.
