İsrail ordusunda ABŞ pasportuna malik 13 mindən çox əsgər var, ardınca Fransa, Rusiya, Almaniya, Ukrayna, Birləşmiş Krallıq, Rumıniya, Polşa, Efiopiya və Kanada gəlir.
Britaniya xəbər saytının İsrail ordusundan əldə etdiyi məlumatlara görə, Qəzzaya hücumlar zamanı İsrail ordusunda xarici pasportlu təxminən 50.000 əsgər xidmət edib və onların əksəriyyəti ABŞ, Fransa, Rusiya, Almaniya, Ukrayna, Böyük Britaniya, Rumıniya, Polşa, Efiopiya və Kanada vətəndaşları olub.

Hərbi və kəşfiyyat orqanlarının işini işıqlandıran Britaniyanın araşdırma xəbər agentliyi olan Declassified UK, Qəzza hücumları zamanı ordusunda xidmət edən xarici vətəndaşların sayı və vətəndaşlığı ilə bağlı İsrail ordusundan Məlumat Azadlığı Qanununa əsasən məlumat istəyib.İsrail ordusu, ölkədə fəaliyyət göstərən Hatzlacha QHT-nin vəkili Elad Man vasitəsilə 2025-ci ilin mart ayında edilən müraciətə cavab olaraq ordusundakı xarici əsgərlərin sayı və milliyyətləri barədə məlumat paylaşıb.

Bəyanatda qeyd olunub ki, təxminən 50.000 xarici əsgər İsrail də daxil olmaqla ən azı bir ölkənin vətəndaşıdır. İsrail ordusundakı ən çox əsgər ABŞ-dan gəlir.

ABŞ-dan olan 13.000-dən çox əsgərdən 12.135-i ikili vətəndaşlığa, 1.207-si isə ikidən çox vətəndaşlığa malikdir. Fransa 6.464 əsgərlə onu izləyir.

Ukrayna ilə müharibədə olan Rusiya, İsrail ordusunun Qəzzaya hücumlarında iştirak edən 5.169 əsgər göndərib. Almaniya 4.103 əsgərlə dördüncü ən böyük töhfə verən ölkə olub.

Rusiya ilə müharibədə olan Ukrayna da 3.266 əsgərlə beşinci yerdədir.

Hər iki Britaniya vətəndaşlığına malik İsrail əsgərlərinin sayı 2.069 olaraq açıqlanıb. Bu vətəndaşları 939-dan 1760-a qədər dəyişən Rumıniya, Polşa, Efiopiya və Kanada vətəndaşları izləyir.

İctimai Maraq Hüquq Mərkəzinin vəkili Pol Heron, İsrail ordusunda Britaniya əsgərlərinin olması ilə bağlı şərh verərək, "Britaniya əsgərlərinin beynəlxalq hüququ pozduğuna dair ciddi dəlillər varsa, toxunulmazlıq ləğv edilməlidir. Böyük Britaniya soyqırımların və qanunsuz hərbi əməliyyatların qarşısını almaq məsuliyyətindədir" dedi.

Heron digər ölkələrdə ikili vətəndaşlığı olan şəxslərin törətdiyi cinayətlərin araşdırılmasının vacibliyini vurğulayaraq əlavə etdi: "Bu cinayətlərə görə həbslər və məhkəmə təqibləri həyata keçirilməlidir".

Keçən il Böyük Britaniyadakı bir neçə QHT London Metropoliten Polisinə İsrail ordusu adından Qəzzada döyüşən Britaniya vətəndaşlarının adlarını və törətdiyi cinayətləri ətraflı izah edən dəlillər təqdim etdi.

Sənədlərdə həmçinin İsraillə heç bir əlaqəsi olmasa da, 50 britaniyalının İsrail ordusunda xidmət etdiyi ortaya çıxdı.

aia.az
Tərcümə şöbəsi

• Qəzza
• Hücum
• Oran
• İsrail