Azertag portalından verilən məlumata görə, ain.az xəbər yayır.
Tbilisi, 13 fevral, AZƏRTAC
Amerika Birləşmiş Ştatları (ABŞ) 33 ildir ki, Gürcüstan və gürcü xalqı üçün seçilmiş tərəfdaşdır. Biz Gürcüstanın müstəqilliyinin, suverenliyinin və ərazi bütövlüyünün güclü tərəfdarı olaraq qalırıq. ABŞ Gürcüstanla konstruktiv münasibətlər qurmağa çalışır.
AZƏRTAC xəbər verir ki, bu barədə ABŞ Dövlət Departamentindən “Netgazeti” nəşrinə bildirilib.
Vurğulanıb ki, ABŞ Prezidenti Donald Trampın vasitəçiliyi ilə Ermənistan və Azərbaycan arasında imzalanan sülh sazişi bütün Cənubi Qafqaz üçün transformativ imkanlar təqdim edir. Gürcüstan bu müqavilənin mümkün etdiyi sabitlik və rifaha həm töhfə verə, həm də ondan böyük fayda əldə edə bilər.
"Biz ikitərəfli münasibətlərimizə və Gürcüstandakı siyasi mühitə təsir edən məsələlər üzrə Gürcüstan hökuməti ilə əlaqələrimizi davam etdirəcəyik", - deyə məlumatda qeyd olunub.
Xətayi Əzizov
AZƏRTAC-ın xüsusi müxbiri
Tbilisi
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
