Son dövrlərdə Azərbaycan regionları içərisində ekoloji problemlərdə adı daha çox hallanan ərazilər Gəncə şəhəri, Daşkəsən rayonu və Goranboy rayonlarıdır.
Ekologiya.az bildirir ki, sözü gedən ərazilər Ekologiya və Təbii Sərvətlər Nazirliyinin 10 saylı Ekologiya idarəsinin nəzarətində olan ərazilərdir. Azərbaycanın ikinci ən böyük şəhəri olan Gəncədə olan vəziyyət narahatlıq yaradır. Şəhərdə aparılan bir sıra müşahidələr göstərir ki, məişət tullantılarının ərazilərə açıq formada atılması və onların təmizlənməməsi ekoloji problemlər yaradır. Mətbuatda yayılan digər bir məlumatda qeyd olunub ki, şəhərdə zavodların tullantılarının axar sulara axıdılması və tüstülərin havaya buraxılması faktlarıda var. Park və yaşıllıq ərazilərdə isə ağacar baxımsızlıq ucbatından artıq quruyub. Küçə və prospektlərdə ağacların budama adı altında məhv edilməsi faktları da gözümüzdən yayınmadı.Dəfərlərlə bu məsələ ilə bağlı 10 saylı Ekologiya idarəsinə müraciət olunub, lakin görünən odur ki, heç bir məsələ həllini tapmayıb. Bəs Ekologiya və Təbii Sərvətlər Nazirliyinin 10 saylı Ekologiya idarəsinin rəisi və əməkdaşları bu problemlərə niyə biganə yanaşır? Bu isə sadəcə maraq doğurur.
Adı çəkilən qurum və şəxslərin mövqeyini dinləməyə hazırıq.
